Wollts du schonn ëmmer eng Kéier dem Misärshaff däi Stempel opdrécken? Eppes erschaffen wat d’Zäit (opmannst e puer Joer) iwwerwënnt? An dobäi niewelaanscht nach puer nei Skills léieren, déi net méi scoutsméisseg kéinte sinn. Dann ass dëse Schnëtzweekend genee dat Richtegt fir dech.

• Wéini?14-15.05.2022
• Treffpunkt : de 14.05.22 um 10:00h bis den 15.05.22 um 16:00h

Wat erwaart dech?

Du léiers den sécheren Ëmgang mat verschidden Aarten vun der Holzbeaarbechtung (Handgeschier a Maschinnen) op engem fir deng Ekipp preparéierte massive Stéck Holz. Denger Ekipp hir Skizz gëtt nom Seeën, Fräsen, Schnëtzen, Raspelen, an Schläifen an 2 Deeg zum Deel vun enger Skulptur déi um Misärshaff soll stoe bleiwen. Mir verbréngen d’Nuecht am Zelt, gekacht gëtt um Feier (d’Holzspéin mussen jo iergendwéi fort...) a wann ee matkënnt deen Gittar spillt an se dobäi huet, hu mer och en Owesprogramm. Geschichtenerzieler, Feierspäizer oder Änleches sinn och wëllkomm.

Wéini a wéi kanns de matmaachen?

• Du solls Tembo Alter hunn an dech als Eenzelpersoun oder am Grupp vun 2 Leit umellen iwwer Mail un liz@fnel.lu.
• De Präis ass 30Euro pro Persoun.
• D’maximal Unzuel vun Participanten ass op 10 Léit limitéiert.